ആർ.ഡി.എക്സ് എന്ന സൂപ്പർ ഹിറ്റ് ചിത്രത്തിന് ശേഷം പുറത്തിറങ്ങുന്ന ഷെയ്ൻ നിഗത്തിന്‍റെ പുതിയ ചിത്രമാണ് കുര്‍ബാനി.ഈ ചിത്രത്തിൻ്റെ ആദ്യ ടീസറാണ് പുറത്തുവന്നിരിക്കുന്നത്.യുവാക്കളെ ആകര്‍ഷിക്കുന്ന രീതിയിലുളള ലൗ സ്റ്റോറിയാണ് ചിത്രമെന്നാണ് ടീസര്‍ വ്യക്തമാക്കുന്നത്.നവാഗതനായ ജിയോവി’ തിരക്കഥ രചിച്ച് സംവിധാനം ചെയ്യുന്ന ഈ ചിത്രം വർണ്ണചിത്രയുടെ ബാനറിൽ മഹാസുബൈറാണ് നിർമ്മിക്കുന്നത്.യഥാർത്ഥ പ്രണയം ഒരിക്കലും അവസാനിക്കുന്നില്ലായെന്ന ടാഗ് ലൈനോടെയാണ് ഈ ചിത്രത്തിന്റെ അവതരണം.എല്ലാവരും അവഗണിക്കുകയും ഒഴിവാക്കുകയും ചെയ്യുന്ന ഒരു യുവാവിന്റെ ജീവിതത്തിലൂടെയാണ് കഥ പുരോഗമിക്കുന്നത്.
ആർഷാചാന്ദ്‌നി ബൈജുവാണ് നായികയായി ചിത്രത്തിലെത്തുന്നത്.
മുകുന്ദനുണ്ണി അസ്സോസ്സിയേറ്റ്സ്, മധുര മനോഹര മോഹം, രാമചന്ദ്രബോസ്& കമ്പനി എന്നീ ചിത്രങ്ങളിലൂടെ ശ്രദ്ധേയയാണ് ആർഷാ ചാന്ദ്നി ബൈജു.ചാരുഹാസൻ,
സൗബിൽ ഷാഹിർ, ജോയ് മാത്യു, ഹരിശ്രീ അശോകൻ ഹരീഷ് കണാരൻ,, ജയിംസ് ഏല്യാ, ശീജിത്ത് രവി, കോട്ടയം പ്രദീപ്, സജി പ്രേംജി, ഇൻഡ്യൻ, സുധി കൊല്ലം, അജയ് മാത്യ നന്ദിനി എന്നിവരും ചിത്രത്തില്‍ വേഷമിടുന്നുണ്ട്.
ഗാനങ്ങൾ എഴുതിയിരിക്കുന്നത് കൈതപ്രം, മനു മഞ്ജിത്ത്, അജീഷ് ദാസൻ എന്നിവരാണ്.ഛായാഗ്രഹണം നിര്‍വഹിച്ചിരിക്കുന്നത് സുനോജ് വേലായുധനാണ്.സൈനുദ്ദീനാണ് എക്സിക്യൂട്ടീവ് പ്രൊഡ്യൂസർ.ഷെമീജ് കൊയിലാണ്ടിയാണ് പ്രൊഡക്ഷൻ കൺട്രോളർ.വർണ്ണ ചിത്ര റിലീസാണ് ഈ ചിത്രം പ്രദർശനത്തിനെത്തിക്കുന്നത്.പിആര്‍ഒ വാഴൂർ ജോസ്.
