നെൽസൺ ദിലീപ്കുമാറിന്‍റെ സംവിധാനത്തില്‍ എത്തിയ രജനി ചിത്രം ജയിലർ ബോക്സോഫീസില്‍ കരുത്ത് കാട്ടുകയാണ്.ആഗസ്റ്റ് 16 തീയതി ഇന്ത്യയിൽ നിന്ന് 15 കോടിയിലധികം നേടിയെന്നാണ് വിവരം. ഏഴ് ദിവസം കൊണ്ട് കമല്‍ഹാസന്‍ ലോകേഷ് കനകരാജ് ചിത്രമായ വിക്രത്തിന്‍റെ ലൈഫ് ടൈം കളക്ഷനെയും ജയിലര്‍ മറികടന്നുവെന്നാണ് ഏറ്റവും പുതിയ വാര്‍ത്ത.
ഓഗസ്റ്റ് 10നാണ് വിവിധ ഭാഷകളില്‍ ജയിലര്‍ റിലീസായത്. ഓഗസ്റ്റ് 16ലെ കണക്കുകള്‍ പരിശോധിച്ചാല്‍ ചിത്രം 400 കോടിയും കടന്ന് മുന്നേറുകയാണ്. ഇന്ത്യന്‍ ബോക്സോഫീസില്‍ നിന്നും ഇതുവരെ ചിത്രം 225.65 കോടി നേടിയിട്ടുണ്ട്. ബുധനാഴ്ച ചിത്രം നേടിയത് 15 കോടിയാണ്. അതേ സമയം യുഎസ്എ, യുഎഇ, സിംഗപ്പൂര്‍, മലേഷ്യ എന്നിവിടങ്ങളില്‍ ചിത്രം മികച്ച പ്രകടനം നടത്തുന്നുവെന്നാണ് വിവരം. തമിഴിലെ ഏറ്റവും കളക്ഷന്‍ നേടിയ മൂന്നാമത്തെ ചിത്രമാണ് ജയിലര്‍. 2.0, പിഎസ് 1 എന്നിവയ്ക്ക് പിന്നിലാണ് ഇപ്പോള്‍ ജയിലര്‍ ഈ ചിത്രങ്ങളെയും ജയിലര്‍ മറികടക്കാന്‍ സാധ്യതയുണ്ട്. അതേ സമയം കഴിഞ്ഞ ദിവസമാണ് ജയിലര്‍ വിക്രം ചിത്രത്തിന്‍റെ ലൈഫ് ടൈം കളക്ഷനെ മറികടന്നത്. അതും വെറും 7 ദിവസത്തില്‍.
